Ўзбекистонда янги ўқув йили учун ОТМларига абитуриентлардан ҳужжат қабул қилиш давом этмоқда. Билимни баҳолаш агентлиги 15 июль 18:00 ҳолатига энг кўп абитуриент рўйхатдан ўтган университетлар бешталигини маълум қилди.
Ўтган 25 кун давомида энг кўп абитуриент рўйхатдан ўтган университетлар қаторида Ўзбекистон миллий университети (23 минг 552 нафар) биринчи ўринда қайд этилган.
Кейинги ўринларда:
- Фарғона давлат университети ( 18 минг 218 нафар);
- Тошкент ахборот технологиялари университети (18 минг 192 нафар);
- Тошкент давлат педагогика университети (18 минг 165 нафар);
- Тошкент давлат иқтисодиёт университети (17 минг 511 нафар) жой олган.
Олий таълим муассасаларининг бакалавриатига ўқишга кириш учун 605 минг 879 нафар абитуриент онлайн рўйхатдан ўтган. Шундан кундузги таълим шакли учун 397 минг 807 нафар, кечки таълимга 15 минг 311 нафар, сиртқи таълим шакли учун 188 минг 571 нафар, масофавийга 4 минг 190 нафар абитуриент ҳужжат топширган.
Изоҳ (0)