Ўзбекистон 2023 йилнинг январь—май ойларида 7 та давлатга қиймати 1,8 миллион долларга тенг бўлган 4,4 минг тонна олма экспорт қилди. Бу ҳақда Статистика агентлиги хабар берди.
Қайд этилишича, олма экспорти 2022 йилнинг мос даври билан солиштирилганда 702 тоннага камайган.
2023 йилнинг 5 ойида Ўзбекистон энг кўп олма экспорт қилган давлатлар:
- Қозоғистон – 2,5 минг тонна;
- Россия – 764 тонна;
- Туркманистон – 649 тонна;
- Қирғизистон – 444 тонна;
- Тожикистон – 125 тонна.
Апрель охирларида Ўзбекистон пойтахти супермаркетларида халқ орасида “Май олмалари” деб аталадиган олмалар пайдо бўлганди. Бу мавсумда эртапишар олмалар Ўзбекистон пойтахтидаги супермаркетлар пештахтасида ўтган йилга нисбатан бир неча кун эрта пайдо бўлган. Аммо ўртача нархи 2022 йил апрель ойидагидан 7 баробар арзон эди.
Изоҳ (0)