Вақт ўтади, актёрлар ҳам оддий инсонлар каби ёшармайди ва баъзилари Том Круз каби 61 ёшида нафақат парашютдан сакрашга, балки нафақага чиқиш вақти келса-да, кино оламини тарк этмасликка тайёр. Сўнгги икки йил ичида бундай баёнотлар жуда кўп бўлди. Бироқ Голливуд юлдузлари орасида муваффақиятли карьераси якунлаганини ва мухлислари билан хайрлашишини эълон қилган машҳурлар ҳам бор. Қуйида шу каби актёрлар ҳақида маълумот берилади.
Брюс Уиллис
Брюс Уиллис кино оламини тарк этди, бироқ ўз хоҳишига кўра эмас. Актёр соғлиғи билан боғлиқ муаммоларни бошдан кечирмоқда. Сўнгги бир неча йил ичида Брюс Меган Фокс ва Фрэнк Грилло билан партнёр бўлди, йигирмага яқин фильмда рол ўйнади, уларнинг барчаси том маънода жанговар фильмлар бўлиб, Уиллиснинг экрандаги вақти, сўзлари ҳам кам эди. У фақат қарилик, даволаниш ва невараларига совғалар учун пул топаётганини ҳис қилди. Ҳозирда Брюс оила аъзолари билан вақт ўтказмоқда, у кино ихлосмандларининг ҳозирги ва келажак авлодларига ажойиб кино меросини қолдирган.
Жим Керри
Сўнгги йилларда Жим жуда кўп нарсаларни бошдан кечирди. Бу актёрга жиддий зарар етказди ва у бир мунча вақт ижодкорлик билан шуғулланиб, кино саноатдан чиқиб кетди ва расм чизишни бошлади. Бу ҳақда ҳужжатли фильм ҳам суратга олинган. Бироқ, Жим ўзида куч топиб, “Соник“нинг икки қисмида ўйнаш учун экранларга қайтди. Бу қайтиш қанча давом этади, вақт кўрсатади. Актёрнинг маҳорат билан ижро этган роллари томошабинларнинг ёдидан чиқмайди.
Сандра Буллок
Актриса кино соҳасида фаолият юритган йиллари чарчаганини очиқчасига тан олди. У муваффақиятли карьера қура олди. Сандра “Меҳр ҳудуди” фильмидаги роли учун “Оскар” мукофотини қўлга киритди.
Жорк Клуни
Сезилмас тарзда Жорж Клуни ҳам кино оламини тарк этди. Актёр 2017 йилда нафақага чиққанини эълон қилиб, қариб қолгани ва экранда чиройли кўрина олмаслигини, бироқ пули етарли эканини айтди.
Бенедикт Камбербэтч
Актёр фильмлардан танаффус олаётганини айтди. У чарчаган эди ва оиласи билан бирга бўлишни хоҳлади. Шу билан бирга, яқинда у Marvel келажакда намойиш этадиган лойиҳаларидан бирининг суратга олиш жараёнида кўриниш берди.
Крис Хемсворт
Крис ҳам фаолиятида танаффус эълон қилди. Бу актёрни бир оз қўрқитадиган Альцгеймер касаллигига мойиллиги ва оиласи билан бирга бўлиш истаги билан бир вақтга тўғри келди. Камбербэтч сингари, Криснинг ҳам учта фарзанди бор, бироқ улар кам ҳолларда кўриниш беради.
Клинт Иствуд
93 ёшда бўлган актёр фильмларни суратга олишда давом этмоқда, бироқ у яқинда нафақага чиқишини эълон қилди. Актёр иштирокидаги “Сирли дарё”, “Гран Торино” фильмлари севиб томоша қилинади.
Гари Олдман
Гарри Олдман ҳам кинодаги фаолиятини тўхтатишга қарор қилди. “Секин чопадиган отлар” лойиҳаси унинг сўнгги актёрлик иши бўлади.
Кейт Бланшетт
Голливуд юлдузи Кейт Бланшетт ҳам карьерасини якунлади. Бироқ, бу ҳолат ўзгариши ҳам мумкин, масалан узоқ муддатли таътилдан сўнг кинодаги фаолиятини давом эттираётган машҳурлар ҳам бор.
Кемерон Диас
Кемерон Диас 8 йиллик танаффусдан сўнг кинога қайтганини маълум қилди ва ҳозирда Netflixънинг “Бизнесга қайтиш” фильмида бош ролни ўйнашни режалаштирмоқда.
Эштон Кучер
Эштон Кутчер ҳам 9 йиллик танаффусдан кейин кино оламига қайтди. Бу йил Netflix Эштон ва Риз Уизерспун иштирокидаги “Сенгами ёки менгами?” фильмини чиқаради.
Изоҳ (0)