Париж мода ҳафталиги давом этмоқда. 5 июль куни Balenciaga модалар уйининг креатив директори Демна Гвасалия янги мода коллекциясини тақдим этди.
Дизайнер меҳмонларни нафақат ноёб образлар, балки шоуга таклиф этилган меҳмонлар билан ҳам ҳайратда қолдиришга муваффақ бўлди. Шоу давомида 1964 йилдан 1968 йилгача бренд асосчиси Кристобал Баленсиага билан бирга ишлаган таниқли француз модели Дeниэлл Славик биринчи бўлиб подиумга чиқди.
“Йўқ, бўлиши мумкин эмас, мен жуда қариман. Қўлларимни, оёғимни кўрсатолмайман”, — деди 78 ёшли модел ўзи ҳақида.
Бироқ, у кутюре хотираси учун подиумга чиқишга рози бўлди. Дизайнер Гвасалия миннатдорчилик билан Славикка 1968 йилги тўпламдан ўзига ёққан қора либосни тақдим этди ва уни моделга совға қилди.
Демнанинг асосий модели Рената Литвинова ҳам подиум бўйлаб юрди. Унинг имижи учун дизайнер “Жентлменлар сариқ сочли аёлларни афзал кўради” фильмидаги Мерилин Монро услубидаги пушти либосни танлади.
Бироқ подиумдаги юлдуз, шубҳасиз, замонавий Жанна Д’Арк эди — Демна зирҳга ўхшаш, оғирлиги 80 кг бўлган хром қопланган кўйлакни тақдим этди. Маълум бўлишича, либос 3D принтерда 10 ой давомида яратилган. Модель шоу пайтида қандай қилиб йиқилмагани ва янги санъат асарини кўтара олгани сир бўлиб қолмоқда.
Мода уйининг янги услубдаги либоси қанчалик қимматга тушишини тасаввур қилиш қийин. Масалан, узунлиги ерга тегадиган қизил кўйлак харидорга деярли 110 минг долларга тушади.
Изоҳ (0)