Parij moda haftaligi davom etmoqda. 5-iyul kuni Balenciaga modalar uyining kreativ direktori Demna Gvasaliya yangi moda kolleksiyasini taqdim etdi.
Dizayner mehmonlarni nafaqat noyob obrazlar, balki shouga taklif etilgan mehmonlar bilan ham hayratda qoldirishga muvaffaq bo‘ldi. Shou davomida 1964-yildan 1968-yilgacha brend asoschisi Kristobal Balensiaga bilan birga ishlagan taniqli fransuz modeli Deniell Slavik birinchi bo‘lib podiumga chiqdi.
“Yo‘q, bo‘lishi mumkin emas, men juda qariman. Qo‘llarimni, oyog‘imni ko‘rsatolmayman”, — dedi 78 yoshli model o‘zi haqida.
Biroq, u kutyure xotirasi uchun podiumga chiqishga rozi bo‘ldi. Dizayner Gvasaliya minnatdorchilik bilan Slavikka 1968-yilgi to‘plamdan o‘ziga yoqqan qora libosni taqdim etdi va uni modelga sovg‘a qildi.
Demnaning asosiy modeli Renata Litvinova ham podium bo‘ylab yurdi. Uning imiji uchun dizayner “Jentlmenlar sariq sochli ayollarni afzal ko‘radi” filmidagi Merilin Monro uslubidagi pushti libosni tanladi.
Biroq podiumdagi yulduz, shubhasiz, zamonaviy Janna D’Ark edi — Demna zirhga o‘xshash, og‘irligi 80 kg bo‘lgan xrom qoplangan ko‘ylakni taqdim etdi. Ma’lum bo‘lishicha, libos 3D printerda 10 oy davomida yaratilgan. Model shou paytida qanday qilib yiqilmagani va yangi san’at asarini ko‘tara olgani sir bo‘lib qolmoqda.
Moda uyining yangi uslubdagi libosi qanchalik qimmatga tushishini tasavvur qilish qiyin. Masalan, uzunligi yerga tegadigan qizil ko‘ylak xaridorga deyarli 110 ming dollarga tushadi.
Izoh (0)