Фаол ривожланаётган мимикага эга Аmecа номли инсонга ўхшаш роботни яратган Британиянинг Engineered Arts компанияси ўз ишланмаларини яна бир бор яхшилади. Бу сафар роботга Stable Diffusion киритилди, шу туфайли у расм чизиш функциясига эга бўлди.
Аmecа нейрон тармоққа сўров юборади, натижада олинган тасвирни соддалаштиради, сўнгра доскага керакли чизиқларни чизиш учун маркер ҳаракатининг траекториясини ҳисоблаб чиқади.
Видеода Аmecа муҳандиснинг илтимосига кўра, ёқимтой мушук суратини чизганини кўриш мумкин ва шу билан бирга у инсонлар мушукларни нима учун бунчалик яхши кўришлари ҳақида гапириб беради. Тўғри, мулоҳаза юритиш жараёнида робот “сиз” эмас, “биз” ва “мен” деб гапиради, яъни у ўзини инсон, омма деб билади.
Видео якунида Аmecа муҳандисдан чизилган расм ҳақидаги фикрини сўрайди. Муҳандис эса бу шунчаки эскиз эканини айтади. Аmecа эса: “Агар чизган суратимни ёқтирмаган бўлсангиз, демак, санъатни тушунмас экансиз”, деб жавоб беради.
Ҳозирда ижодкорлар Аmecа’нинг янги маҳоратини монетизация қилмоқда: YouTube видеоси тавсифида ижодкорлар роботдан чизма ва унинг яратилиши акс этган видеони олишни хоҳловчиларга вариантлар ва нархларни билиш учун электрон почтага мурожаат қилишни тавсия этмоқда.
Изоҳ (0)