Тошкент вилояти ҳудудида фуқаро ИИБ ходимларига пичоқ ўқталгани кўринган видео тарқалди. “Дарё” воқеа ҳақида маълумот олиш мақсадида Ички ишлар вазирлиги ахборот хизмати раҳбари Шоҳрух Ғиёсов билан боғланди.
Шоҳрух Ғиёсов воқеани тасдиқлар экан, тез орада вазирликнинг расмий сайтида бу ҳақда батафсил маълумот берилишини маълум қилди.
Видеода фуқаронинг ҳар икки қўлида пичоқ борлигини кўриш мумкин. У бир нафар ИИБ ходимига пичоқ ўқталиб, уни яралашга ҳам уринган. Иккинчи ходим эса фуқарога қурол ўқталиб турибди.
ИИБ ходимларидан бири резина таёқ билан фуқаронинг боши ва қўлига уриб, уни қуролсизлантиришга уринган. Бироқ эҳтиётсизлик сабаб йиқилиб тушган, шундан сўнг фуқаро унга яқинлашиб, пичоқ билан яралашга ҳаракат қилган.
Йиқилиб тушган ИИБ ходимига ёрдамга келган фуқаролар ва яна икки нафар ИИБ ходимининг ёрдами билан пичоқ кўтариб олган фуқаронинг қуроли тортиб олинган.
Изоҳ (0)