Мўғулистоннинг Хитой билан чегарасида бубонли вабо билан касалланиш ҳолати қайд этилди. Бу ҳақда Sputnik хабар берди.
Йигитнинг аҳволи оғир деб баҳоланмоқда, шу муносабат билан вилоят шифохонасида инфексион назорат режими жорий этилган. Мўғулистоннинг Хитой билан чегарадош Гоби-Олтой вилояти ҳудудий касалхонасига бубонли вабога гумон қилинган бемор оғир аҳволда ётқизилган.
Zoonoz инфекцияларни ўрганиш миллий маркази жамоатчилик билан алоқалар бўлими бошлиғи Энхбаярин Дулмаа вилоятда 6 кундан бери юқори даражадаги огоҳлантириш режими жорий этилганини айтди.
“Бемор, 21 ёшли йигит юқори иситма ва бошқа аломатлар билан вилоят шифохонасига келган. У билан алоқада бўлган 40 киши зудлик билан изоляцияга олинган”, — дейди марказ ходими.
Беморнинг касаллик бўйича таҳлил натижалари ҳали олинмаган, шунинг учун якуний ташхис ҳали тасдиқланмаган.
Йигитнинг аҳволи оғир деб баҳоланмоқда. Бемор жойлашган ҳудудий шифохонада инфекцияни назорат қилиш тартиби жорий этилган.
“27 июнь куни соат 02:00 дан бошлаб ва кейинги 6 кун ичида аҳоли пункти ва вилоят ҳудудидан ташқарида аҳолининг кириш-чиқишига чеклов қўйилади, спиртли ичимликлар савдоси вақтинча тақиқланади, барча тиббиёт муассасалари юқори даражадаги шай ҳолатга келтирилади”, — дейди махсус комиссия.
Изоҳ (0)