Билармидингиз? Терлашни кучайтирадиган, аммо ҳар йили ёзда севиб истеъмол қилинадиган машҳур маҳсулот

Ҳаддан ташқари ортиқча терлаш муаммоси кўчилик учун долзарбдир. Терлашнинг ҳийласи шуки, сиз барча гигиена қоидаларига риоя қилишингиз ва кийимингизни тоза сақлашингиз мумкин, бироқ кийимдаги доғлар ва ёқимсиз ҳид сизни тарк этмайди. Ёз мавсумида майин шамол ва қулай об-ҳаво иссиқлик билан ўрин алмашганда терлаш бир неча баробар фаоллашади. Бу ҳолатдан чиқиш йўли бор ва Marie Claire нашри бу муаммони ҳал қилиш учун сизга ташқи эмас, балки ички сабабларга эътибор беришни маслаҳат беради.

“Тақиқланган” маҳсулотлар рўйхатида биринчи ўринда кўпчилик учун севимли ёз егулиги — музқаймоқ турибди. Бунинг сабаби шуки, уни ейиш фақат вақтинчалик совутиш таъсирига эга ва юқори ёғли таркиб туфайли организм уни узоқ вақт энергия билан ҳазм қилади. Агар ўзингизни музқаймоқ истеъмол қилиш завқидан тийиб туролмасангиз, уни кийимингиз учун нохуш оқибатларсиз бажариш мумкин.

Мисол учун музқаймоқни резаворлар ёки мевалардан қилинган сорбет билан алмаштиринг, унда сут ва крем ​​бўлмагани боис калорияси камроқ ҳисобланади. Ушбу вариантни болага ҳам таклиф қилинг, шу тариқа унда соғлом овқатланишга ижобий муносабат ва ҳар қандай зарарли озиқ-овқат учун фойдали ўринбосар борлигини тушуниш шаклланади.

Ҳаддан ташқари кўп терлашдан хавотирда бўлганлар клечатка миқдори кам бўлган таомлардан ҳам эҳтиёт бўлишлари керак, чунки клечатка овқат ҳазм қилишни осонлаштиради ва организм бу учун кўп энергия сарфламайди.

Шундай қилиб фастфудлар, табиий какао доналари кам бўлган шоколад, оқ нон ва бошқа қайта ишланган овқатлардан воз кечинг. Бу жуда муҳим, чунки музқаймоқ сингари организм бундай озиқ-овқатларни ҳазм қилиш учун бир неча марта кўпроқ ишлаши керак, бу эса терлаш каби ташқи кўринишларга ҳам таъсир қилади. Бундан ташқари, кўп миқдорда туз бўлган озиқ-овқатлар ва таомларни ҳам имкон қадар камроқ истеъмол қилинг. Унинг таркибидаги натрийдан халос бўлиш учун организм кўп куч сарфлашга тўғри келади.

Шуни таъкидлаш керакки, баъзи ичимликлар ва таомлар ҳақиқатан ҳам мавсумийдир. Мисол учун куз-қиш даврида бизнинг иштаҳамиз ортади, чунки организм совуқ мавсумга яқинлашишга тайёрланади ва шунинг учун фойдали микроэлементларни “тўплаш”га интилади. Бироқ иссиқ мавсумда енгилроқ овқатга ўтишингиз керак: бу фаол терлашдан халос бўлишга ва иссиқ ҳаводан чарчаган организмни кучли озиқ-овқат билан зўриқтирмасликка ёрдам беради.

Фойдаланадиган антиперспирантларга эътибор беришни тавсия қиламиз. Ҳатто бир неча кун давомида тердан ҳимоя қилишни ваъда қилган маҳсулотлар ҳам, аслида, ўз таркибидаги сунъий қўшималар билан ёқимсиз ҳидни қўзғатиши мумкин. Шунинг учун табиий таркибга эга ёки ҳидсиз антиперспирантларни танланг.