“Тошшаҳартрансхизмат” Қурбон ҳайити намози ўқилиши муносабати билан махсус автобус йўналишлари ташкил этилишини эълон қилди.
Маълум қилинишича, 28 июнь куни Қурбон ҳайити нишонланиши муносабати билан йўловчилар ташиш узлуксизлигини таъминлаш ва аҳолига кўрсатилаётган транспорт хизматлари сифатини ошириш мақсадида Тошкент шаҳридаги 151 та автобус йўналишларига жами 1060 та автобус ишга чиқарилиши белгиланган бўлиб, автобус йўналишларининг фаолияти соат 4:00 дан бошлаб йўлга қўйилади.
Бундан ташқари, ҳайит намози ўқилиши муносабати билан масжидларга келиб-кетишда пойтахт аҳолисига қошимча қулайлик яратиш мақсадида Тошкентда жойлашган 100 га яқин масжидларга соат 03:00 дан соат 05:00 гача бўлган вақт мобайнида вақтинчалик 60 та махсус автобус йўналишлари ташкил этилиб, ушбу йўналишларга 160 дона автобус чиқарилади.
“Тошшаҳартрансхизмат” Қурбон ҳайити намозига ташриф буюришда ушбу автобуслардан фойдаланишни тавсия қилди.
Қурбон ҳайити куни йўловчиларга қулайлик яратиш мақсадида Тошкент метрополитени тонгги соат 04:00 дан кеч соат 00:00 га қадар доимий жадвал асосида ўз иш фаолиятини олиб боради.
Изоҳ (0)