Сўнгги 6 йилда Тошкент шаҳрида электр энергия истеъмоли ҳажми 30 фоизга ўсди. Бу ҳақда Тошкент шаҳар ҳокимлиги хабар берди.
Маълум қилинишича, 2017—2022 йиллар мобайнида Тошкент шаҳри аҳолиси ва улгуржи истеъмолчилар томонидан энергия истеъмоли ҳажми 30 фоизга ошган. Аҳоли томонидан электр энергияси истеъмоли кескин ўсиб, 2017 йил билан таққослаганда 37 фоизни ташкил этган.
Шунингдек, Тошкент шаҳрининг ҳар бир абоненти томонидан (ҳисоблагич асосида) электр энергияси истеъмоли ўсишида кузатилаётган ижобий тенденция 2017 йилдан буён 21 фоизни ташкил этган.
“Пойтахтдаги электр энергияси истеъмолига абонентлар сонининг ўсиши ҳам сезиларли таъсир кўрсатмоқда, бу кўрсаткич 2017 йил билан таққослаганда 18 фоизга ошди. Бундан ташқари, Тошкент шаҳрининг шиддат билан ривожланиши, аҳоли турмуш даражаси ва фаровонлигининг ўсиб бориши, иқтисодий тараққиёт саноат истеъмолчилари сони 2017 йилдан буён 34 фоизга кўпайишига олиб келди” — дейилади ҳокимлик хабарида.
Изоҳ (0)