Toshkent shahridagi elektr energiyasi iste’moli olti yilda 30 foizga o‘sgani ma’lum qilindi

So’nggi 6 yilda Toshkent shahrida elektr energiya iste’moli hajmi 30 foizga o‘sdi. Bu haqda Toshkent shahar hokimligi xabar berdi.

Ma’lum qilinishicha, 2017—2022-yillar mobaynida Toshkent shahri aholisi va ulgurji iste’molchilar tomonidan energiya iste’moli hajmi 30 foizga oshgan. Aholi tomonidan elektr energiyasi iste’moli keskin o’sib, 2017-yil bilan taqqoslaganda 37 foizni tashkil etgan.

Shuningdek, Toshkent shahrining har bir abonenti tomonidan (hisoblagich asosida) elektr energiyasi iste’moli o’sishida kuzatilayotgan ijobiy tendensiya 2017-yildan buyon 21 foizni tashkil etgan.

“Poytaxtdagi elektr energiyasi iste’moliga abonentlar sonining o’sishi ham sezilarli ta’sir ko’rsatmoqda, bu ko’rsatkich 2017-yil bilan taqqoslaganda 18 foizga oshdi. Bundan tashqari, Toshkent shahrining shiddat bilan rivojlanishi, aholi turmush darajasi va farovonligining o’sib borishi, iqtisodiy taraqqiyot sanoat iste’molchilari soni 2017-yildan buyon 34 foizga ko‘payishiga olib keldi” — deyiladi hokimlik xabarida.