Наманган вилоятида яшовчи ҳомиладор аёл сингиллари билан ўғриликка қўл урди. Бу ҳақда ИИВ ахборот хизмати хабар берди.
Унга кўра, 11 июнь куни Наманган шаҳрида яшовчи фуқаро Бобуршоҳ кўчасида жойлашган устахонадан шу куни соат 5:10 лар атрофида умумий қиймати 13 миллион сўм бўлган 41 дона турли русумдаги машина радиаторлари ўғирлаб кетилганини айтиб, мурожаат қилган.
Аризага асосан шаҳар ИИО ФМБ ходимлари томонидан олиб борилган қидирув натижасида ушбу жиноятни 2000, 1999 ва 2007 йилда туғилган опа-сингиллар содир этгани аниқланди. Ҳолат юзасидан жиноят иши қозғатилиб, дастлабки тергов ҳаракатлари олиб борилмоқда.
Ушбу жиноятни содир этган қизларнинг бири ҳомиладор, яна бири эса мактаб ўқувчиси.
Изоҳ (0)