“Дарё”да Бандихон тумани прокурори Соатмурод Маҳмановнинг маҳалла раисларини ҳақорат қилгани айтилган мақола эълон қилинганди. Вилоят прокуратураси мазкур мақолага муносабат билдириб, овозлар ҳаққонийлиги текширилаётганини маълум қилди.
“Ижтимоий тармоқларда Бандихон тумани прокурори С.Маҳмановга тегишлилиги таъкидланиб, тарқатилган аудиоёзувларнинг ҳаққонийлиги, қачон, қаерда ва қандай ҳолатларда юз бергани ҳамда бошқа ҳолатлар Сурхондарё вилояти прокуратураси томонидан ўрганилмоқда”, — дейилади расмий муносабатда.
Туман прокурори экани айтилаётган аудиоёзувда прокурор тумандаги МФЙ раисларини йиғиб, солиқ тушумлари бўйича ҳисобот сўраган.
“Эркакмисан сен ҳам? Хотинчалиш, итдан тарқаган экансан-да, бўлмаса одамнинг ишини қилардинг-да. Бор, бориб итга ўхшаб вовулла кўчада”, — дейди прокурор солиқ тушумларини эплолмаган раисга юзланар экан.
Аудиода прокурор билан мулоқот қилган МФЙ раислари орасида аёл раислар ҳам борлиги эшитилган.
“Ўлсанг, бугун кўмар эдик”, — дейди прокурор яна бир раисни койир экан.
Прокурор ёнида кўриниб турган раисларнинг бирига “Итдан тарқаганмисан, одамдан тарқаганмисан?” — дея савол берган ҳамда “итвачча” дея ҳақорат қилган.
Изоҳ (0)