“ПСЖ” клуби ва Франция терма жамоаси ҳужумчиси Килиан Мбаппе бир мавсумда урган голлари сони бўйича франциялик футболчилар орасида рекорд натижа қайд этди.
24 ёшли футболчи Франция терма жамоаси сафида Евро—2024 саралаши доирасида Грецияга қарши кечган ўйинда (1:0) гол урди. Бу Мбаппе учун жорий мавсум клуб ва терма жамоа сафидаги 54-гол бўлди.
Килиан франциялик футболчилар орасида бир мавсумдаги голлар сони бўйича рекорд натижани янгилади. Аввалги рекорд Жюст Фонтенга тегишли бўлиб, футболчи 1957/58 йилги мавсумда “Реймс” ва Франция термаси сафида 53 та гол урган.
Шунингдек, бу Мбаппе учун Франция терма жамоасидаги 40-гол бўлди. Терма жамоа тўпурарлари рўйхатида Мбаппе 5-ўринни эгаллаб турибди.
Франция терма жамоаси тўпурарлари
- Оливье Жиру (54 та гол)
- Терри Анри (51)
- Антуан Гризманн (43)
- Мишел Платини (41)
- Килиан Мбаппе (40)
Изоҳ (0)