Сирдарёдан Тошкентга олиб кетилаётган 941 кило истеъмолга яроқсиз гўшт тўхтатиб қолинди. Бу ҳақда вилоят ИИБ матбуот хизмати хабар қилди.
“Сирдарё” ЙПХ масканида мутасадди ташкилотлар ходимлари билан ҳамкорликда ўтказилган тадбир давомида Самарқанд–Тошкент йўналишида ҳаракатланиб келаётган Isuzu автотранспорт воситаси холислар иштирокида тўхтатилиб текширилганда, Самарқанд вилояти, Каттақўрғон туманида яшовчи, фуқаро Х.Ш бошқарувидаги автотранспорт юкхонасида ҳеч қандай ҳужжатларсиз, келиб чиқиши номаълум бўлган 941 кило ҳайвон гўшти борлиги аниқланган.
Вилоят Ҳайвонлар касалликлари ташхиси ва озиқ-овқат маҳсулотлари хавфсизлиги давлат маркази мутахассислари Сирдарё вилояти ИИБ томонидан лаборатория текширувлари учун намуналар олинди.
Ҳозирда аниқланган ҳолат юзасидан Сирдарё вилояти ИИБ Тезкор қидирув хизмати Жиноят қидирув бошқармаси масъул ходимлари томонидан суриштирув ҳаракатлари олиб борилмоқда.
Изоҳ (0)