Самарқанд шаҳрида 18 июнь куни янги қурилаётган бинода ёнғин содир бўлди . ФВВ ҳолат юзасидан маълумот берди.
Унга кўра, 18 июнь куни соат 21:10 да Самарқанд вилояти Самарқанд шаҳар “Хишрав-2” қўрғони ҳудудидаги янги қурилаётган бинода ёнғин содир бўлаётгани тўғрисида ФВБга хабар тушган. 5 та ёнғин-қутқарув экипажи соат 21:20 да воқеа жойига етиб бориб, ёнғин соат 22:00 да ўраб олинган ва соат 22:18 да бартараф этилган.
Ёнғин натижасида қурилишда фойдаланиладиган ускуна (опалубка) ёниб зарарланган. Ҳодиса оқибатида тан жароҳати олган ва ҳалок бўлганлар йўқ. Воқеа жойига вилоят ҳамда шаҳар ФВБ раҳбар ходимлари чиққан. Ёнғин сабаби ва моддий зарар миқдори аниқланмоқда.
Изоҳ (0)