Тошкент шаҳар Сергели туманида 18 июнь куни яна катта ёнғин содир бўлгани акс этган видеолар тарқалди. ФВВ ҳолат юзасидан маълумот берди.
Унга кўра, 18 июнь куни соат 20:06 да Тошкент шаҳар Сергели тумани “Бобур” МФЙ ҳудудидаги тахминан 300 кв/м очиқ майдонда қуруқ ўт ва хашаклар ёнган. Шунга кўра 2 та ёнғин-қутқарув экипажи соат 20:18 да воқеа жойига етиб бориб, ёнғин соат 20:38 да ўраб олинган ва соат 20:42 да бартараф этилган.
Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
Изоҳ (0)