ЎзЛиДеПдан президентликка номзод Шавкат Мирзиёев Қорақалпоғистонда келгуси етти йилда жами 2,5 миллиард доллар йўналтирилишини айтди. Бу ҳақда “Дарё” манбаси хабар берди.
“Энг аввало, ҳоким ёрдамчилари тизими орқали, ҳар йили камида 20 мингта лойиҳа амалга оширилиб, 2030 йилга қадар жами 350 минг аҳоли бандлиги таъминланади. Шу билан бирга, махсус иқтисодий, кичик ва ёшлар саноат зоналаридаги тадбиркорларга ер, бино ва иншоотлар хусусийлаштириб берилади.
Аусионда 3 ой ичида сотилмаган давлат мулкларини эса, электрон танловда энг яхши таклиф берган талабгорга сотишга рухсат берилади. Мўйноқ, Бўзатов, Шуманай ва Тахтакўпир учун, камида 500 минг доллар инвестисия киритиш шарти билан, ер ва бинолар “бир сўм” қийматда тақдим этилади”, — дейди Шавкат Мирзиёев.
Президентликка номзод мамлакатда ишлаб чиқарилмайдиган махсус техника, ускуна, бутловчи ва эҳтиёт қисмларни олиб киришда божхона божлари уч йилга бекор қилинишини таъкидлади.
Бунда, қўшилган қиймат солиғини 270 кунгача кечиктириб тўлаш имкони яратилади.
Изоҳ (0)