Украина президенти Владимир Зеленский Украинада қарши ҳужум ҳаракатлари олиб борилаётганини айтди. Аммо улар қайси босқичда эканини айтмади.
Журналистлар Владимир Зеленскийдан Россия президенти Владимир Путиннинг бир кун аввал “Украина армияси ҳеч қандай секторда ўз мақсадларига эриша олмагани” ҳақидаги баёнотига изоҳ беришни сўради.
“Мен ҳар куни турли йўналишдаги қўмондонларимиз билан алоқадаман. Ҳозир ҳамма ижобий кайфиятда. Путинга шуни айтинг”, — деди Владимир Зеленский Канада бош вазири Жастин Трюдо билан бўлиб ўтган матбуот анжуманида.
“Украинада тегишли қарши ҳужум ва мудофаа ҳаракатлари бўлиб ўтмоқда, қайси босқичда эканига тўхталмайман. Натижалар тез орада сезилади. Мен Telegram каналлари ва Путиннинг хабарларига ишонмайман. Биз қўшинларимизга ишонишимиз керак. Мен уларга ишонаман”, — деди Украина президенти.
Изоҳ (0)