Франциялик миллионер Филипп Поццо ди Борго 72 ёшида вафот этди. У “1+1” комедиясининг бош қаҳрамони прототипи эди.
Поццо ди Борго Марокашда вафот этган, бу ҳақда фильм режиссёри Эрик Толедано хабар берган.
Тадбиркор 1951 йилда бадавлат аристократлар оиласида дунёга келган. 1993 йилда Поццо ди Барго аэропланда учаётганида жиддий жароҳат олган ҳамда бир умрга фалаж бўлиб қолган.
Миллионер ўзидаги депрессияни жазоирлик Абдель Селлу ёрдамида енгишга муваффақ бўлган. У ушбу дўстлик тарихини “Иккинчи нафас” (“Le Second souffle”) китобида баён қилган.
Экранда фильм қаҳрамонларини Франсуа Клюзе ва Омар Си гавдалантирган. 2018 йилда Брайан Кренстон ва Кевин Харт ижросида фильмнинг ремейки тақдим этилган.