Сюжетдаги хатолик одатда кутилмаганда пайдо бўлади ва фильмдаги барча қоидаларга зид келади. Аммо шундай зийрак томошабинлар борки, улар бундай хатоликларни сезмай қолмайди.

4-қисмда Жон Уик уни ўлдириш учун таъқиб этишаётган бўлишса-да, дунё бўйлаб бемалол саёҳат қилади. Илгари қаҳрамон учун ҳатто ўз шаҳрини тарк этиш ҳам қийин эди.

“Тинч маскан” фильмидаги ота-она ўз фарзандларидан воз кечганга ўхшайди, чунки уларнинг хавфсизлиги ҳақида умуман қайғуришмайди. Улар кенжа ўғли ва эшитмайдиган қизини орқада қолдириб, ўзлари олдинда кетишади.

Сигурни Уивернинг қаҳрамони вафот этганига қарамай, “Аватар” франшизасининг иккинчи қисмида унинг аватари сирли равишда Kirinи дунёга келтиради.

“Гравитация” фильмидаги Сандра Буллокнинг қаҳрамони ўз ҳамкасбини ҳеч кимнинг ҳаётини қурбон қилмасдан тортиб олиши мумкин эди, чунки у вазнсизлик ҳолатида бўлади.

“Келажакка қайтиб-2” фильмида Док бир неча кун орқага қайтиб, Мартини келажакка юбориш ўрнига уни хавф ҳақида огоҳлантириши ҳам мумкин эди.

Бейзбол ўйини пайтида Калленлар Беллани яширишга ҳаракат қилишади. Аммо Эдвард ўзининг вампир тезлигини қизни майдондан олиб чиқиш учун ишлатмайди.

“Яна ёшликка қайтиб” фильмидаги ёшарган қаҳрамоннинг рафиқаси олдида эри турганини тушуниш учун битирув альбомини очиши кифоя эди.

“Юра даври парки: Йўқолган дунё” фильмида тираннозавр экипажсиз кемада олиб кетилади.

“Капалак эффекти” қаҳрамони қамоқдан тўғри ўтмишга кетади ва қўлларида янги чандиқлар билан қайтиб келади.

“Соҳибжамол ва махлуқ” фильмида Белл тавқи лаънатни олиб ташлагач, хизматкорлар ва қишлоқ аҳолиси қаримагани маълум бўлади.

Томошабинлар тахминига кўра, қишлоқ вақт туйнугида қолиб кетган. Аммо улар лаънатга учрагандан кейин Белл ва унинг отаси қасрга келади. Қишлоқдагилар уларни ғалати деб ўйлашига сабаб, Белл ва отаси йиллар давомида оддий одамлар каби қаришади.