Pixar студияси 2022 йилда прокатда муваффақиятсизликка учраган “Базз Лайтер” мултьфильми туфайли 75 кишини ишдан бўшатди. Бу ҳақда Reuters хабар берди.
Студия “Базз Лайтер” режиссёри Ангус МакЛейн, глобал маркетинг бўйича президент Майкл Агулнек ва продюсер Галин Зусманни ишдан бўшатди.
Қайд этилишича, бу 2013 йилдан бери компаниядаги энг катта штат қисқартирилиши ҳисобланади. Ўшанда компания “Яхши динозавр” лойиҳасининг бекор қилиниши ортидан 30 кишини ишдан бўшатган эди.
Pixar “Ўйинчоқлар тарихи”, “Супероила” ва бошқа кўплаб машҳур мултьфильмларни суратга олган. Масалан, 30 миллион доллар сарфланган “Ўйинчоқлар тарихи” жаҳон прокатида 373,5 миллион доллар даромад тўплаган.
“Базз Лайтер” — бу “Ўйинчоқлар тарихи”нинг бош қаҳрамонларидан бири ҳақидаги анимацион картина. Мултьфильм 200 миллион бюджетга эга бўлиб, жаҳон прокатида 226 миллион долларгина даромад топа олди.
Изоҳ (0)