Ba’zida film yoki seriallar bizni hayratda qoldiradi. Oddiy qahramonlar sochini stilistlar kabi kesa oladi, baland poshnada bemalol yuguradi va sport zalida hech qachon terlamaydi.
Sochlari yoyilgan holda ovqat pishiradi
Hayotda ayollar iloji boricha sochlarini yig‘ib ovqat pishirishga harakat qiladi: kim ham ovqatidan soch chiqishini xohlardi? Lekin filmlarda unday emas. Masalan, yoyilgan soch bilan ovqat pishiradigan qahramonlarni film va teleshoularda tez-tez ko‘rish mumkin.
Poshnali tuflida yuguradi
Kinoda ayollar uzoq vaqt davomida poshnali tuflida yurishi mumkin: baland poshnali poyabzalda supermarketga boradi, bolalarni maktabdan oladi, hatto zarurat tug‘ilsa, yuguradi ham.
Darhaqiqat, kun bo‘yi baland poshnali poyabzalda yugurish u yoqda tursin, yurish ham juda charchatadi. Oyoq kiyimlarimiz qanchalik qulay bo‘lmasin, kun oxiriga kelib baribir charchatadi.
Mukammal makiyaj va soch turmagi bilan uyg‘onadi
Ko‘plab filmlarda qahramonlar makiyaji bilan uxlab qoladi, lekin hech narsa bo‘lmagandek uyg‘onadi. Ular har doim chiroyli bo‘yalgan ko‘zlar va lablar, soch turmagida yuradi.
Milliarderlar oddiy qizlarni sevib qolishadi
Oddiy qizlar hammani o‘ziga osongina maftun qiladi — shahzodalardan tortib jahon kompaniyalari merosxo‘rlarigacha. Bu har doim juda oson va tez sodir bo‘ladi. Shu bilan birga, bunday qizlar o‘zlarining “shahzodalariga” yillar davomida psixoterapevt bilan shug‘ullanishi mumkin bo‘lgan muammolarni hal qilishda yordam beradi va oxir-oqibat ular “butun dunyoni” zabt etishadi.
Homilador ayol tug‘uruqdan keyin tezda o‘ziga keladi
Agar film qahramoni homilador bo‘lsa, ko‘z ochib-yumguncha farzandini dunyoga keltirib, bir necha daqiqadan so‘ng hech narsa bo‘lmagandek kulib o‘tiradi.
Aslida bola tug‘ilishiga ko‘p soat kerak bo‘ladi, tug‘uruqdan keyin ham avvalgi holatiga qaytishi uchun oylar, balki yillar ketadi.
Bir zumda xunuk qizdan sohibjamolga aylanadi
Ko‘pgina filmlarda xunuk qizlar yorug‘lik tezligida o‘zgaradi. Pardoz, soch turmagi va ko‘zoynaklarsiz bir zumda sohibjamolga aylanadi. Haqiqiy hayotda esa obrazni tubdan o‘zgartirish uchun ancha harakat qilish kerak. Ayniqsa, bundan oldin tashqi ko‘rinishga umuman ahamiyat berilmagan bo‘lsa.
Sochini stilistlar kabi tartibli qilib kesadi
Ayollarga oid yana bir klishe — bu soch turmagi. Ko‘pincha qizlar salbiy xotiralardan xalos bo‘lishni yoki hayotini yangidan boshlashga qaror qilganda, sochini kesib tashlaydi. Lekin shosha-pisha o‘zi kesgani bilan yanada chiroyli bo‘lib qoladi.
Har kuni noto‘g‘ri ovqatlanishadi
Film qahramonlari yotoqdan turmasdanoq pitssa yoki tushlik uchun gamburger yeyishadi. Shirinlikka muzqaymoq ham qo‘shiladi. Ammo ular hech qachon sog‘lig‘idan shikoyat qilmaydi: semizlik, oshqozon yoki uyqu bilan bog‘liq muammolari bo‘lmaydi. Aslida esa yog‘li va yuqori kaloriyali ovqatlar sog‘liqqa o‘z ta’sirini o‘tkazmay qolmaydi.
Kelinning guldastasi uchun haqiqiy kurash boshlanadi
Gollivud filmlarida kelinning guldastasi uchun kurash sahnasi bo‘ladi. Mehmonlar guldastani qo‘lga kiritish uchun haqiqiy janjal uyushtiradi. Aslida esa to‘yda bunday xatti-harakatlar juda kam uchraydi. Ko‘pchilik buni o‘ziga ep ko‘rmaydi.