Кўпчилигимиз Гарри Поттер билан катта бўлганмиз ва йилига камида бир марта сеҳргар бола ҳақидаги фильмни томоша қиламиз. Бундай пайтларда фильмни деталларга эътибор берган ҳолда кўрасиз. Шунда баъзи нарсалар аён бўлади: либослар бўйича дизайнерлар кийим ёрдамида қаҳрамонлар ҳақида кўп нарсаларни айтиб беришади.
Волдемортнинг мантияси
Жуда диққатли томошабинлар ўлими яқинлашгани сари Зулмат лордининг кийимлари хиралашганини пайқаган бўлиши керак. Бу ёвузнинг заифлашиб бораётганини визуал равишда кўрсатади. Хогвартс жанги саҳнасида деярли барча ёвузлар қора либос кийган, Волдемортнинг хира мантияси улардан ажралиб туради.
Рон ва Гермионанинг кийимлари
Мухлислар Рон ва Гермионанинг кийимлари борган сари бир-бирига уйғунлашиб бораётганини пайқашган. Масалан, чизиқли футболкалар. Томошабинлар бу ўзаро севги белгиси, деб тахмин қилишади.
Молли Уизлининг тўқилган кўйлаги
Молли Нартсисса Малфой каби янги кўйлаклар сотиб ололмайди. Аёл болалари учун свитер тўқийди, қолган турли хил иплардан эса ўзига кийим тўқиб олади. Молли ҳар қандай аёл каби бундай камхарж усулда бўлса ҳам, чиройли кўринишни хоҳлайди.
Олтин учлик мантиялари
Мантия кийиш услуби ҳам қаҳрамонларнинг характерига ишора қилади. Гермионанинг мантияси тартибли, олди қадалган, Гарриники олди очиқ, Рон эса мантиясиз, битта кўйлакда.
Драко Малфойнинг қора костюми
“Қақнус кубоги”да Волдеморт классик қора костюмда пайдо бўлади. Кейинчалик шунга ўхшаш костюмни Драко кияди. Бу, эҳтимол, Малфойлар оиласи кимга хизмат қилишига бир ишорадир.
Флер Делакур шляпаси
Шармбатон қизларининг мактаб формаси улар Хогвартсда кийган кийимидан жуда фарқ қилади. Либослар дизайнерининг сўзларига кўра, гўзал талабаларнинг либосларида Францияга ишора қилинган. Мовий ранг анъанавий равишда бу мамлакат маданиятида кўп нарсани англатади. Бошқа томондан, шляпалари ҳам француз аёлларига ассоциация қилинади.
Долорес Амбриж костюмлари
Амбриж даҳшатли ёвуз одам сифатида пайдо бўлди ва кўп жиҳатдан унинг ташқи кўриниши ва хатти-ҳаракатининг контрасти бунга ишора қилади. Пуштиранг ва мушукчаларни яхши кўрадиган ёқимтой кампир ўз шогирдларини қонли қаламда “Мен ёлғон гапирмаслигим керак” деб ёзишга мажбур қилади. Амбрижнинг кийимларидаги пушти ранг ҳам очдан қуюқроққа ўзгариб, Долореснинг тобора жазавага тушиб бораётганини кўрсатади.
Бeллaтрикс Лестрейнж либослари
Бeллaтрикс қадимий Блейклар оиласига мансуб, шунинг учун барча кийимлари қора рангда. Шунингдек, ушбу фамилиянинг обрўсини таъкидлаш учун костюм дизайнери ёвуз аёлнинг либосларига ўрта аср элементларини — корсет ва тўрли енгларни киритади.
Гаррининг формасидаги 7 рақами
Бош қаҳрамон еттинчи рақамли формада квиддич ўйнайди. Жоан Роулинг учун бу рақам катта аҳамиятга эга. Поттериан еттита китобдан иборат, Волдеморт 7 та сирли артефакт яратган ва Гарри Поттер уларнинг охиргиси.
Лютсис Малфой либоси
Томошабинлар Лютсисни ҳашаматли либосларда кўришга одатланган. Аммо Хогварц жангида у аристократлардек эмас, балки жангчи каби кийинади. Малфой эгнидаги чарм куртка зирҳга ўхшайди, безаклари эса келтлар нақшларини эслатади.
Изоҳ (0)