Қорақалпоғистон тиббиёт институти клиникасида госпитал турдаги “Меҳрли мактаб” филиали очилди, деб хабар бермоқда “Замин” халқаро жамоат фонди матбуот хизмати.
Маълум қилинишича, Зироат Мирзиёева бу ерга ташриф буюриб, яратилган шароитлар билан танишди, болалар билан самимий суҳбатлашиб, педагог ва ота-оналарга далда сўзларини изҳор этди.
“Меҳрли мактаб” давлат таълим муассасаси 2022 йил майда ҳукумат қарори билан ташкил этилганди. Унда узоқ вақт давомида даволанаётган ҳамда оддий мактаб ёки боғчага қатнаш имконияти бўлмаган болалар билим олади ва тарбияланади. Улар реабилитация жараёнидан ҳам шу ернинг ўзида ота-оналари иштирокида ўтади.
“Гематология, онкология, клиник иммунология, бошқа стационар ва узоқ муддатли амбулатор даволанишда бўлган болаларга таълим ва тарбия бериш тизимини янада кенгайтириш чора-тадбирлари тўғрисида”ги ҳукумат қарорига кўра “Меҳрли мактаб” филиаллари 2023—2028 йилларда босқичма-босқич, бироқ ҳар йили камида 3 та ҳудудда ташкил этилиши белгиланган.
Фонд хабарида қайд этилишича, йил якунига қадар “Меҳрли мактаб” филиаллари Андижон ва Фарғонада очилади.
Изоҳ (0)