“Актёр учун энг аҳмоқона иш”: Метт Деймон “Аватар” фильмидаги ролидан воз кечганидан афсусда эканини айтди

2022 йилнинг охирида Жеймс Кемероннинг “Аватар: Сув йўли” фильмининг премьераси бўлиб ўтди. Метт Деймон яқинда берган интервьюларининг бирида “Аватар” фильмидаги ролидан воз кечгани ҳақида гапириб берди.

Янги реклама кампаниясида Зое Салдана билан бирга роль ўйнаган Метт Деймон “Аватар” фильмида суратга тушиш таклифини рад этганини “Фаолияти давомидаги энг аҳмоқона иши” деб атади.

“Менимча, сизнинг мартабангиз бу туфайли зарар кўрмади, менга ишонинг”, — деб Зое уни ишонтиришга ҳаракат қилган.

“Мен ҳеч қачон бир миллиард доллар ишлаб топган фильмда суратга тушмаганман”, — дейди актёр.

Маълумот учун, “Аватар” фильмида Зое Салданадан ташқари Сем Уортингтон, Сигурни Уивер, Кейт Уинслет ва бошқа актёрлар роль ўйнаган. 2009 йилда чиқарилган “Аватар” фильмининг биринчи қисми эса барча даврларнинг энг юқори даромад келтирган фильми бўлиб қолмоқда. У кассада рекорд даражадаги маблағ, яъни 2,9 миллиард доллар ишлаб топган.