“Аватар: Сув йўли” блокбастери “Титаник” фильмини ортда қолдириб, тарихдаги энг юқори даромад келтирган фильмлар рейтингида учинчи ўринни эгаллашга муваффақ бўлди. Иккала фильм ҳам дунёга машҳур режиссёр Жеймс Кемерон томонидан суратга олинган.
Биринчи ва иккинчи ўринларни “Аватар” фильмининг биринчи қисми ва “Қасоскорлар: Интиҳо” кинокартинаси эгаллаб турибди. “Аватар: Сув йўли” икки ойлик прокатдан сўнг, 2,243 миллиард доллар даромад келтирди. Бу маблағнинг 657 миллион доллари АҚШдан, 1 миллиард 586 миллион доллари эса халқаро ҳудудлардан йиғилган.
“Титаник” фильми ўтган ҳафта Шимолий Америкада ва бошқа жойларда қайтадан намойиш этила бошланди. Қайтадан тақдим этилган релиз мелодраманинг даромадини 2,242 миллиард долларга етказишга ёрдам берди.
“Чумоли одам ва Ари: Квант олами” кинокартинаси премерадан сўнг 225 миллион доллар маблағ тўплади. Дам олиш кунларини ҳисобга олган ҳолда, Шимолий Америкадаги натижа 239 миллион долларни ташкил этди.
Изоҳ (0)