408 минг долларлик кўзойнак: Машҳурларнинг битта уй нархига тенг бўлган қимматбаҳо аксессуарлари (фото)

Юлдузлар томонидан катта суммаларга сотиб олинган кичик аксессуарлар билан танишинг.

Фёдор Бондарчук — колье (50 минг доллар)

Фёдор бу ҳашаматли совғани севгилиси, актриса Паулина Андреевага Европадаги таътил пайтида ҳадя қилди. Италиядаги дўкондан сотиб олинган эксклюзив маржон оқ олтиндан ясалган ва олмос билан безатилган.

Ксения Собчак — сумка (50 минг евро)

Hermes Birkin сумкасини сотиб олганда телебошловчи фарзандига ҳомиладор бўлган. Модель тимсоҳ терисидан қилинган ва тилла занжир билан безатилган.

Гвинет Пэлтроу — қуёшдан сақлайдиган кўзойнак (408 минг доллар)

Актриса Гвинет Пэлтроу бандлари олтиндан ясалган ва 51 та олмос билан безатилган De Rigo Vision ва Chopard брендига тегишли қуёшдан сақлайдиган кўзойнакни 408 минг долларга харид қилган.

Бейонсе — Барби (85 минг доллар)

Албатта, юлдузлар энг аввало севимли фарзандини хурсанд қилишни хоҳлашади. Мисол учун, Бейонсе 160 та қимматбаҳо тош ва оқ олтин тақинчоқлар билан безатилган қўғирчоққа буюртма бериб, қизини хурсанд қилган.

Роберт Паттинсон — тилла ручка (46 минг доллар)

Бундай совғани “Сумерки” фильми актёри фильмдаги ҳамкасби Кристен Стюартнинг туғилган кунида совға қилган, ўшанда улар севишганлар эди. Ручка оқ олтиндан қилинган ва дунё бўйича атиги 40 та нусхаси бор. Бошқа ҳеч кимда бундай нарса йўқлигини таъкидлаш учун Паттинсон тутқичга “From R” (яъни Робертдан) ёзувини ўйиб ёздиради.

Афсуски, жуфтлик ҳозирда ажралишган — Кристен ушбу қимматбаҳо совға билан автограф ёзишда давом этадими ёки йўқми номаълум.

Леди Гага — арвоҳлар детектори (50 минг доллар)

Энг ғалати аксессуарни Леди Гага сотиб олган. Хонанда арвоҳларга чинакамига ишонади ва унга Райан исмли шарпа таъқиб қилаётгандек туюлади. Арвоҳни ўз вақтида билиш учун Леди Гага ўзи билан магнит майдон детекторини олиб юради.