Шавкат Мирзиёев 25 май куни Олий Евросиё иқтисодий кенгашининг ўттизинчи йиғилишида видеоалоқа орқали иштирок этди.
Президент нутқи давомида Россиянинг Евросиё иқтисодий иттифоқига самарали раислиги мамлакатлар ўртасидаги кўп қиррали шерикликнинг янги йўналишларини илгари суришга хизмат қилишини таъкидлади.
“Озиқ-овқат хавфсизлиги соҳасида ҳамкорликни кенгайтириш муҳим деб ҳисоблаймиз. Шу нуқтаи назардан қишлоқ хўжалиги ва озиқ-овқат товарлари импорти ўрнини давлатларимизда ишлаб чиқарилаётган маҳсулотлар билан фаол эгаллашни рағбатлантириш, яшил йўлаклар, шу жумладан, “Евросиё агроэкспресси”нинг тўлақонли фаолиятини таъминлаш, илмий-амалий тадқиқотларни биргаликда олиб бориш ва инновацияларни жорий этишни қўллаб-қувватлаш, мамлакатларимиз агробизнес вакиллари кооперация алоқаларини ривожлантиришни рағбатлантириш ва фаолиятини ҳар томонлама қўллаб-қувватлаш муҳимдир.
Ушбу мақсадларда шу йилнинг октябрь ойида Ўзбекистонда қишлоқ хўжалиги вазирлари, етакчи ишлаб чиқарувчилар ва озиқ-овқат маҳсулотлари импорт қилувчилар иштирокида “EOИИ плюс” форматида aграр форум ўтказишни таклиф этамиз. Олтинчидан. Ўзбекистон юқори малакали мутахассисларни тайёрлашда янада кенг ҳамкорлик қилиш, олий ўқув юртлари ва профессионал таълим марказлари ўртасида шериклик муносабатларини йўлга қўйиш, илмий тадқиқотларни қўллаб-қувватлаш бўйича қўшма лойиҳаларда иштирок этишдан ҳам манфаатдордир. Муҳандислик-техник ихтисосликлар бўйича талаб юқори бўлган кадрларни биргаликда тайёрлаш юзасидан “йўл харитаси”ни ишлаб чиқиш зарур, деб ҳисоблаймиз”, — деб таъкидлади давлат раҳбари нутқи давомида.
Изоҳ (0)