Нодирбек Абдусатторов ChessKid Cup—2023 мусобақасини муваффақиятли бошлади

Ўзбекистонлик гроссмейстер Нодирбек Абдусатторов (2731) шахмат бўйича ChessKid Cup—2023 онлайн мусобақасидаги иштирокини муваффақиятли бошлади.

Абдусатторов дастлабки босқичда франциялик Жюл Муссарга (2644) қарши дона сурди. Уч  партия якунига кўра Нодирбек 2,5:0,5 ҳисобида ғалаба қозонди ва ярим финалга йўл олди.

Ярим финалда Ўзбекистон вакилига Фабиано Каруана (2764) рақиб бўлади. Ўйин 23 май куни ўтказилади.

Ярим финалнинг яна бир баҳси Йорден ван Форест ва Дмитрий Колларс ўртасида кечади.

Чорак финал натижалари билан танишинг:

• Ҳикару Накамура (Япония) — Йорден ван Форест (Нидерландия) 1,5:2,5
• Алиреза Фирузжа (Франция) — Дмитрий Колларс (Германия) 2:3
• Фабиано Каруана (АҚШ) — Александр Шиманов (FIDE) 2,5:0,5
• Нодирбек Абдусатторов (Ўзбекистон) — Жюл Муссар (Франция) 2,5:0,5

Чорак финалда енгилган шахматчилар ютқазганлар босқичига йўл олди:

• Ҳикару Накамура — Алиреза Фирузжа
• Александр Шиманов — Жюл Муссар

Мазкур жуфтликда ғалаба қозонганлар ярим финалда ютқазган шахматчилар билан ўйнайди ва гранд финалда қатнашиш имкониятини йўқотмайди.