Туркия нашрлари томонидан ўзбекистонлик фуқаро парда тикадиган машина механизми орасида қисилиб қолиш оқибатида вафот этгани ҳақида хабар тарқалди. Ташқи меҳнат миграцияси агентлиги мазкур хабар бўйича маълумот берди.
Унга кўра, Дюзже шаҳрида “Бейкўй” ташкиллаштирилган саноат зонасидаги фабрикада меҳнат фаолиятини амалга ошираётган вақтда парда тикадиган машина механизми орасида қисилиб қолиш оқибатида Ўзбекистон фуқаросининг вафот этгани ҳақида хабар эълон қилинган.
Ташқи меҳнат миграцияси агентлигининг Туркиядаги ваколатхонаси томонидан ўрганишлар натижасида маълум бўлишича, эълон қилинган хабар ўз тасдиғини топмади. Дюзже вилояти хорижий фуқаролар майити сақланадиган “морг” бўлими тақдим этган маълумотларга кўра, вафот этгани айтилган шахс Афғонистон фуқароси ҳисобланади.
Изоҳ (0)