Тошкент шаҳар Юнусобод туманида Nexia светофорга урилиб, ЙТҲга учради. Пойтахт ЙҲХБ ҳолат юзасидан маълумотларни тақдим этди.
Хабарга кўра, ҳолат 23 май куни соат 14:30 ларда Юнусобод тумани Юқори Қорақамиш-Қулоқтепа кўчалари кесишган чорраҳада содир бўлган. 2001 йилда туғилган А.Т. Nexia-1 русумли машинасини бошқариб кетаётиб, чорраҳага яқинлашганда рул бошқарувини йўқотган. У светофор ҳамда йўл белгилари билан тўқнашиб йўл транспорт ҳодисасини содир этган.
ЙТҲ натижасида тан жароҳат олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.