Европа Лигаси. “Севилья” қўшимча бўлимларда “Ювентус”ни мағлуб этди, “Рома” ҳам финалда

Футбол бўйича Европа Лигасининг ярим финал жавоб ўйинлари 18 май, пайшанба куни ўтказилди.

“Рома” Германиянинг “Байер” жамоаси майдонига сафар қилди. Учрашувда 0:0 ҳисоби қайд этилди. Икки ўйин натижасига кўра (1:0, 0:0), Жозе Моуриньо шогирдлари финал йўлланмасини қўлга киритди.

“Севилья” эса ўз уйида “Ювентус”ни қабул қилди. Ўйиннинг 65-дақиқасида “Ювентус” футболчиси Душан Влаҳович ҳисобни очди. 71-дақиқада эса “Севилья” вакили Сусо ҳисобни тенглаштирди. Ўйиннинг асосий вақтида бошқа гол киритилмади ва қўшимча таймлар бошланди.

Баҳснинг 95-дақиқасида “Севилья” ўйинчиси Эрик Ламела гол киритди ва жамоасини ҳисобда олдинга олиб чиқди. 115-дақиқада андалусияликлар сафида Маркос Акуня қизил карточка олди ва жамоа бир киши кам бўлиб қолди. Шунга қарамай ғалабани сақлаб қолди ва финалга йўл олди.

Европа Лигаси финалида Италиянинг “Рома” ва Испаниянинг “Севилья” жамоалари тўқнаш келадиган бўлди. Баҳс 1 июнь, пайшанба куни бўлиб ўтади.

Европа Лигаси

Ярим финал, жавоб ўйинлари

18 май, пайшанба

“Байер” (Германия) – “Рома” (Италия) 0:0 (0:1)

“Байер”: Градески, Фримпонг, Та (Amiri, 86), Тапсоба, Инкапиэ, Баккер (Адли, 73), Демирбай, Паласиос (Гложек, 80), Вирц, Диаби, Азмун.

“Рома”: Руй Патрисиу, Челик (Смоллинг, 78), Манчини, Рожер, Кристанте, Спинассола (Залевски, 34), Матич, Пеллегрини, Бове, Белотти (Вейналдум, 46), Абраҳам.

Огоҳлантириш: Инкапиэ (45), Паласиос (56), Баккер (70), Рожер (70), Кристанте (89), Диаби (90), Тапсоба (90), Хаби Алонсо (90), Абраҳам (90).

“Севилья” (Испания) – “Ювентус” (Италия) 2:1 (1:1)

Голлар: 0:1 — 65 Влахович, 1:1 — 71 Сусо, 2:1 — 95 Ламела.

“Севилья”: Буну, Навас (Гомес, 105), Баде, Гудел, Акуня, Ракитич, Фернандо, Окампос (Ламела, 70), Оliveр Торрес (Сусо, 62; Рекик, 118), Хил (Монтел, 100), Эн-Несири.

“Ювентус”: Шесни, Данило, Бремер, Гатти, Куадрадо (Милик, 105), Ди Мария (Кьеза, 64), Рабьо, Локателли (Миретти, 86), Фажоли (Паредес, 41), Кин (Влахович, 64), Айлинг (Костич, 86).

Огоҳлантириш: Кин (11), Акуня (57), Данило (105), Сусо (117), Паредес (117), Монтел (120).

Четлатиш: Акуня (115).