Франциянинг Париж шаҳрида 2024 йилда бўлиб ўтадиган Олимпия ўйинларининг аёллар футболи бўйича Осиё минтақаси 2-босқич саралаш баҳсларига қуръа ташланди.
Унга кўра, Ўзбекистон аёллар терма жамоаси Япония, Вьетнам ва Ҳиндистон билан биргаликда C гуруҳидан жой олди. Мазкур гуруҳ ўйинларга Ўзбекистон мезбонлик қилади.
А гуруҳи
- Австралия (мезбон)
- Хитой Тайпейи
- Филиппин
- Эрон
B гуруҳи
- Хитой (мезбон)
- Жанубий Корея
- Таиланд
- КХДР
C гуруҳи
- Япония
- Вьетнам
- Ўзбекистон (мезбон)
- Ҳиндистон
Иккинчи босқичда гуруҳда биринчи ўринни олган учта жамоа 3-босқичга тўғридан тўғри йўлланмага эга бўлади. Иккинчи ўринни олган учта жамоа ўзаро битта йўлланма учун курашади. Учинчи босқичда тўртта жамоа иккита жуфтликка ажратилади, унинг ғолиблари Олимпиада йўлланмасига эга чиқади.
Ўзбекистон аёллар терма жамоаси 1-босқичда Шарқий Тимор (3:0), Бутан (9:0) ва Иорданияни (7:0) мағлуб этиб, ушбу босқичга йўлланма олганди.
Изоҳ (0)