“AZ” muxlislari o‘yindan so‘ng “Vest Hem” futbolchilari oilasi o‘tirgan tribunaga hujum qildi (video)

Futbol bo‘yicha Yevropa Konferensiyalar Ligasi yarim final javob o‘yinida “Vest Hem” “AZ” ustidan g‘alaba qozonib, finalga yo‘l oldi.

Jamoalar o‘rtasidagi birinchi uchrashuvda inglizlar 2:1 hisobida g‘alaba qozongan. Javob o‘yinining hakam qo‘shib bergan daqiqalarda Pablo Fornalsning goli evaziga “Vest Hem” zafar quchdi. Umumiy hisob — 3:1 “bolg‘achilar” foydasiga. 

O‘yin tugagach, niderlandiyalik muxlislar to‘siqlarni oshib o‘tib, “Vest Hem” futbolchilari oilasi joylashgan tribuna tomon tashlandi. Qo‘riqchilar ularni to‘xtatib qololmadi. 

Muxlislar mehmonlarga qarata pirotexnik vositalarni uloqtirdi. Natijada mushtlashuv kelib chiqdi. 

“Vest Hem” futbolchisi Lukas Paketa o‘ylab o‘tirmasdan, mushtlashuvga qo‘shilib ketdi.