Порье — Гетжи 2. UFC июль ойида Фергюсон, Блаҳович ва бошқа машҳур жангчилар иштирокида мусобақа ўтказади

АҚШнинг Солт-Лейк-Сити шаҳрида 29 июль куни UFC 291 мусобақаси ўтказилади.

MMA оқшомида бир қатор юлдуз жангчилар октагонга кўтарилади. Кечанинг асосий воқеаси енгил вазн тоифаси вакиллари Дастин Порье ва Жастин Гетжи ўртасидаги жанг бўлади.

Ушбу беллашув ғолиби BMF (“Энг хавфли ваҳший”) титулига эга чиқади. Ушбу титулнинг сўнгги эгаси апрель ойида промоушенни тарк этган Хорхе Масвидал эди.

Порье ва Гетжи 2018 йилда ўзаро тўқнаш келган, унда Дастин 4-раунддаги нокаут эвазига ғалаба қозонганди.

Ушбу мусобақа асосий кардидан яна бир қатор қизиқарли жанглар ўрин олган. Ярим оғир вазн тоифаси собиқ чемпиони Ян Блаҳович ўрта вазн собиқ чемпиони ва янги дивизионда дебют қиладиган Алекс Перейрага қарши жанг қилади.

Афсонавий Тони Фергюсон эса Бобби Грин билан тўқнаш келади. Шунингдек, карддан Пауло Коста — Икрам Алискеров ва Майкл Кьеза — Кевин Ҳолланд жанглари ўрин олган.

Ҳозирча мусобақа доирасида ўтиши белгиланган жанглар рўйхати қуйидагича кўриниш олган:

• Дастин Порье (29-7) – Жастин Гетжи (24-4);
• Ян Блаҳович (29-9-1) – Алекс Перейра (7-2);
• Пауло Коста (14-2) – Икрам Алискеров (14-1);
• Тони Фергюсон (25-8) – Бобби Грин (29-14-1);
• Стивен Томпсон (17-6-1) – Мичел Перейра (28-11);
• Деррик Льюис (26-11) – Маркос Рожерио де Лима (21-8-1);
• Майкл Кьеза (16-6) – Кевин Ҳолланд (24-9).