Turkiyaning amaldagi prezidenti Rajab Toyyib Erdo‘g‘on mamlakatda bo‘lib o‘tadigan prezidentlik saylovlarining ikkinchi bosqichiga tayyor ekanini ma’lum qildi.
“Saylovlar birinchi turda tugaydimi yoki yo‘qmi, hali bilmaymiz. Lekin agar xalq bizni ikkinchi turga yuborsa, bu qarorni hurmat qilamiz”, — deya Erdo‘g‘onning Anqaradagi tarafdorlariga qaratilgan so‘zlaridan iqtibos keltirgan AFP axborot agentligi.
Erdo‘g‘onning asosiy raqibi, Olti muxolifatchi partiyasi alyansidan (Xalq alyansi) muxolifatchi nomzodi Kamol Qilichdoro‘g‘li ham xalqning ikkinchi tur o‘tkazish qaroriga rozi ekanini bildirdi. Shu bilan birga, har ikki siyosatchi ham o‘z g‘alabasiga ishonch bildirdi.
Turkiyada prezidentlik saylovlari 14-may kuni bo‘lib o‘tdi.15-may, Toshkent vaqti bilan soat 09:10 holatiga ko‘ra, ovozlarni sanash hali yakunlangani yo‘q. Saylov qutilarining 99,9 foizi ochilgach, amaldagi davlat rahbari Erdo‘g‘on 49,34 foiz, uning asosiy raqibi Qilichdoro‘g‘li 44,99 foiz ovoz to‘plagani ma’lum bo‘ldi.
Birinchi turda nomzodlardan birining g‘alabasi uchun u kamida 50 foiz ovoz olishi kerak. Demak, Turkiyada prezidentlik saylovlarining ikkinchi bosqichi bo‘lib o‘tishi ehtimoli katta – u 28-may kuni o‘tkazilishi mumkin.
Shu bilan birga, parallel ravishda o‘tkazilgan parlament saylovlarida, Anadolu xabariga ko‘ra, ovozlarning 99,55 foizi sanab chiqilgach, Erdo‘g‘on boshchiligidagi Adolat va taraqqiyot partiyasi 49,3 foizlik ko‘rsatkich bilan yetakchilik qilmoqda. Ikkinchi o‘rindagi Xalq alyanasi boshchiligidagi partiya 35,19 foiz ovoz to‘plagan.
Izoh (0)