Лига 1. “ПСЖ” “Аяччо” дарвозасига жавобсиз 5 та гол урди, Килиан Мбаппедан дубль 

Футбол бўйича Франция чемпионатининг 35-турида “ПСЖ” 13 май, шанба куни “Аяччо”ни қабул қилди.

Учрашув парижликларнинг 5:0 ҳисобидаги ғалабаси билан якунланди. “ПСЖ” сафида Килиан Мбаппе дубль қайд этди, Ашраф Ҳакими ва Фабиан Руис биттадан гол муаллифига айланди. Яна битта гол эса рақиб жамоа футболчиси Муҳаммад Юссуфга автогол сифатида ёзилди. Қайд этиб ўтиш жоиз, ўйинда иккала жамоадан ҳам бир нафардан футболчи қизил карточка олди. 77-дақиқада Ашраф Ҳакими қизил олган бўлса, 80-дақиқада Томас Мангани майдондан четлатилди.

Париж клуби ушбу ғалабадан сўнг очколарини 81 тага етказиб, биринчи ўринни мустаҳкамлади. Иккинчи ўринда бораётган “Ленс”да 75 очко мавжуд. 

Лига 1

35-тур баҳси

13 май, шанба

“ПСЖ” – “Аяччо” 5:0

Голлар: 1:0 – 22 Фабиан Руис, 2:0 – 33 Ҳакими, 3:0 – 47 Мбаппе, 4:0 – 54 Мбаппе, 5:0 – 73 Юссуф (автогол).

“ПСЖ”: Доннарумма, Ҳакими, Рамос, Маркиньос, Данилу Перейра (Бицҳиабу, 70), Бернат (Заир-Эмери, 83), Верратти (Витиня, 64), Фабиан Руис (Саншеш, 64), Месси, Мбаппе, Экитик (Солер, 83).

“Аяччо”: Соллакаро, Юссуф, Авинел, Видаль, Диалло (Алфонс, 71), Мангани, Кутадер (Сумано, 63), Маркетти, Баррето (Шаброл, 83), Спадануда (Шегра, 63), Эл-Идрисси (Нури, 64).

Огоҳлантиришлар: Маркетти (78), Маркиньос (78).

Четлатиш: Ҳакими (77), Мангани (80).