А Серия. “Милан” сафарда “Специя”га мағлуб бўлди, “Интер” эса 6 та гол урилган ўйинда ишончли ғалабага эришди

Футбол бўйича Италия А Сериясининг 35-туридан ўрин олган қатор учрашувлар 13 май, шанба куни бўлиб ўтди.

Элдор Шомуродов ҳаракат қиладиган “Специя” ўз майдонида “Милан”ни қабул қилди ва 2:0 ҳисобида ғалаба қозонди. Учрашувнинг биринчи бўлимида дарвозалар ишғол этилмади. Иккинчи бўлимда мезбонлар ишончли ҳаракат қилди ва ҳисобни очди. 75-дақиқада Висневски ҳисобни очди. 85-дақиқада эса Эспозито “Специя”нинг иккинчи голига муаллифлик қилди. Қайд этиб ўтиш жоиз, Шомуродов захирада қолдирилди. 

“Специя” ушбу ғалабадан сўнг очколарини 30 тага еткади ва ҳамон хавфли 18-поғонада қолмоқда. “Милан” эса 61 очко билан 5-ўриндан жой олган.

“Интер” эса “Сассуоло”га қарши баҳс олиб борди. Учрашув 4:2 ҳисобида миланликларнинг ғалабаси билан якунланди. “Нераззури” сафида Ромелу Лукаку дубль қайд этган бўлса, Лаутаро Мартинез ўз ҳисобига битта гол ёздириб қўйди. Яна битта голни эса Руан ўз дарвозасига уриб қўйди. “Сассуоло” сафида Matteус Энрике ва Давиде Фратеззи гол муаллифларига айланди.

“Интер” очколарини 66 тага етказди ва 2-ўринга кўтарилиб олди.

А Серия

35-тур баҳслари

13 май, шанба

“Специя” – “Милан” 2:0

Голлар: 1:0 – 75 Висневски, 2:0 – 85 Эспозито.

“Специя”: Дронговски, Амян, Николау, Ампаду, Висневски, Реса, Экдал, Бурабия (Журковски, 64), Эспозито, Жаси (Коваленко, 90), Нзола.

“Милан”: Менян, Калулу, Кер, Томори (Калабрия, 85), Эрнандес (Балло-Туре, 64), Браим Диас (Адли, 71), Побега, Салемакерс (де Кетеларе, 64), Тонали, Ребич (Жиру, 71), Ориги.

Огоҳлантиришлар: Амян (38), Браим Диас (52).

“Интер” – “Сассуоло” 4:2

Голлар: 1:0 – 41 Лукаку, 2:0 – 55 Руан (автогол), 3:0 – 58 Мартинес, 3:1 – 63 Матеус Энрике, 3:2 – 77 Фраттези, 4:2 – 89 Лукаку.

“Интер”: Ҳанданович, Белланова (Дармиан, 79), де Врей (Бастони, 73), Д’Амброзио, Ачерби, Димарко (Гозенс, 61), Мхитарян (Аслани, 61), Брозович, Гальярдини, Корреа (Мартинес, 46), Лукаку.

“Сассуоло”: Консили, Толян (Дзортеа, 76), Эрлич, Руан (Феррари, 64), Рожерио, Лопес, Фраттези, Матеус Энрике (Торстведт, 76), Берарди, Лорянте (Байрами, 57), Дефрел (Пинамонти, 57).

Огоҳлантиришлар: Дефрел (30), Руан (42), Матеус Энрике (66), де Врей (70), Брозович (84).