Liga 1. “PSJ” “Ayachcho” darvozasiga javobsiz 5 ta gol urdi, Kilian Mbappedan dubl

Futbol bo‘yicha Fransiya chempionatining 35-turida “PSJ” 13-may, shanba kuni “Ayachcho”ni qabul qildi.

Uchrashuv parijliklarning 5:0 hisobidagi g‘alabasi bilan yakunlandi. “PSJ” safida Kilian Mbappe dubl qayd etdi, Ashraf Hakimi va Fabian Ruis bittadan gol muallifiga aylandi. Yana bitta gol esa raqib jamoa futbolchisi Muhammad Yussufga avtogol sifatida yozildi. Qayd etib o‘tish joiz, o‘yinda ikkala jamoadan ham bir nafardan futbolchi qizil kartochka oldi. 77-daqiqada Ashraf Hakimi qizil olgan bo‘lsa, 80-daqiqada Tomas Mangani maydondan chetlatildi.

Parij klubi ushbu g‘alabadan so‘ng ochkolarini 81 taga yetkazib, birinchi o‘rinni mustahkamladi. Ikkinchi o‘rinda borayotgan “Lens”da 75 ochko mavjud. 

Liga 1

35-tur bahsi

13-may, shanba

“PSJ” – “Ayachcho” 5:0

Gollar: 1:0 – 22 Fabian Ruis, 2:0 – 33 Hakimi, 3:0 – 47 Mbappe, 4:0 – 54 Mbappe, 5:0 – 73 Yussuf (avtogol).

“PSJ”: Donnarumma, Hakimi, Ramos, Markinyos, Danilu Pereyra (Bitshiabu, 70), Bernat (Zair-Emeri, 83), Verratti (Vitinya, 64), Fabian Ruis (Sanshesh, 64), Messi, Mbappe, Ekitik (Soler, 83).

“Ayachcho”: Sollakaro, Yussuf, Avinel, Vidal, Diallo (Alfons, 71), Mangani, Kutader (Sumano, 63), Marketti, Barreto (Shabrol, 83), Spadanuda (Shegra, 63), El-Idrissi (Nuri, 64).

Ogohlantirishlar: Marketti (78), Markinyos (78).

Chetlatish: Hakimi (77), Mangani (80).