Тошкент вилояти Олмалиқ шаҳридаги дўконларнинг бирида қиз бир йигит томонидан аёвсиз калтаклангани акс этган видео тарқалди. “Замон” дастурида мазкур ҳолат юзасидан маълумот берилди.
Ҳолат 10 май куни Олмалиқ шаҳридаги “Фурқат” маҳалласида содир бўлган. Аниқланишича, улар бир-бирини севади ва тез кунларда турмуш қуриш арафасида бўлган. Йигит бир неча йил аввал биринчи турмуши билан ажрашган, оиласида ёлғиз боқувчи. Жабрланувчи қиз келишмоқчилик барчада бўлиб туришини айтиб, даъвоси йўқлигини маълум қилди.
“Сени кўчада юришингни хоҳламадим, қизғондим. Уйингга боришингни хоҳладим, деди. Бир йилдан буён гаплашамиз у билан. Одамлар гапираверади, ҳамманинг орасида келишмовчилик бўлиб туради, фақат бизда эмас-ку. Даъвойим йўқ, уни яхши кўраман”, — дейди қиз.
Ушбу ҳолат юзасидан Олмалиқ шаҳар прокуратураси томонидан 11 май куни Жиноят кодексининг 277-моддаси билан жиноят иши қўзғатилиб, тергов ҳаракати олиб борилиши учун тергов бўлимига ҳужжатлар юборилган.
Изоҳ (0)