“Барселона” ярим ҳимоячиси Серхио Бускетснинг 2022/23 йилги мавсум якунида жамоадан кетишини эълон қилди. Бу ҳақда клуб расмий сайтида хабар берилди.
Испаниялик ярим ҳимоячи “Барселона” академияси тарбияланувчиси ҳисобланади. Серхио Бускетс асосий жамоада 2008 йилда дебют қилган. Футболчи каталон клуби сафида 718 та ўйин ўтказган. Бу жамоа тарихидаги учинчи энг яхши кўрсаткич бўлиб турибди. Ярим ҳимоячи 18 та гол урган ва 40 та голли узатмани амалга оширган.
“Бу мавсум мен учун “Барселона”даги сўнгиси эканини эълон қилиш вақти келди.
“Барселона” тизимига келган ёшлик пайтимда дунёдаги энг яхши жамоа таркибида 15 та мавсум ўтказишимни, сардор бўлишимни ва клуб сафида 700 ўйин ўтказишимни айтишганда ишонмаган бўлардим.
Мен учун “Барселона” рамзи туширилган формани кийиш шараф ва ғурур манбаи эди, лекин ҳамма нарсанинг якуни бор. Бу осон қарор бўлди, вақти келганди. Лекин бу қарорга келиш осон бўлди деб ўйламайман.
Бу йўлда мен билан бирга бўлган барчага, шунингдек, мухлисларга раҳмат айтаман. “Барселона” мухлиси бўлиш бу энг яхши нарса”, — деди Бускетс.
34 ёшли футболчи “кўк-анорранглилар” сафида саккиз марта Испания чемпионатида, етти мартадан мамлакат кубоги ва Суперкубогида, уч марта Чемпионлар Лигасида, бир мартадан УЕФА Суперкубоги ва клублар ўртасидаги Жаҳон чемпионатида ғолиб чиққан.
Изоҳ (0)