Жейсон Момоа “Тахтлар ўйини” франшизасида суратга тушганидан кейин фақатгина машҳурликка эришди. Актёр нафақат энг катта гонорарни олмади, балки сценарий муаллифлари унинг лойиҳадаги қаҳрамонини биринчи мавсумда “ўлдиришга” қарор қилди. Бу эса актёрни даромаддан маҳрум қилди.
“Биз ‘Тахтлар ўйини’дан кейин оч қолдик. Иш тополмадим. Бу ҳолат фарзандларингиз бўлганида янада қийинроқ кечади ва сиз бутунлай қарздор бўлиб қоласиз”, — дейди актёр.
Ҳеч ким актёр ижросидаги Хала Дрогони “тирилтиришни” истамади ва “Аквамен”даги ролни ўйнашга яна тўрт йил вақт керак эди. Актёр интервьюларининг бирида бу вақт унинг карьерасидаги энг қийин пайтлар бўлгани ҳақида гапириб берди.
“Томошабинларни актёрлик қобилиятим билан эмас, экшн билан ўзимга тортган бўлсам керак. Менинг қаҳрамоним Дрого бир нечта сўзларни айтади ва узун жумлаларни ишлатмайди. У романтик комедия учун яратилмаган”, — дейди Жейсон Момоа.
Момоа кино оламига тасодифан кириб келган. Бир куни у дўстлари билан пляжга борган ва ўша куни “Mалибу қутқарувчилари” сериалига кастинг бўлиб ўтаётганди. Актёр қизиқиш истагида роллардан бири учун кастингда қатнашишга қарор қилди ва у бу ролга тасдиқланди. Шундан кейин “сув мавзуси” Жейсонга ҳамроҳ бўлди. Актёрнинг карьераси 2016 йилда чўққисига чиқди, режиссёр Зак Снайдер унга “Бетмен Суперменга қарши” фильмидаги Аквамен ролини ишониб топширди. Орадан икки йил ўтгач, суперқаҳрамон бошқа лойиҳаларда бош ролларга тасдиқланган, шундан сўнг актёр энг кўп ҳақ тўланадиган ва талаб юқори бўлган Голливуд юлдузлари рейтингида ўз ўрнини топган.
Изоҳ (0)