Jeyson Momoa “Taxtlar o‘yini” franshizasida suratga tushganidan keyin faqatgina mashhurlikka erishdi. Aktyor nafaqat eng katta gonorarni olmadi, balki ssenariy mualliflari uning loyihadagi qahramonini birinchi mavsumda “o‘ldirishga” qaror qildi. Bu esa aktyorni daromaddan mahrum qildi.
“Biz ‘Taxtlar o‘yini’dan keyin och qoldik. Ish topolmadim. Bu holat farzandlaringiz bo‘lganida yanada qiyinroq kechadi va siz butunlay qarzdor bo‘lib qolasiz”, — deydi aktyor.
Hech kim aktyor ijrosidagi Xala Drogoni “tiriltirishni” istamadi va “Akvamen”dagi rolni o‘ynashga yana to‘rt yil vaqt kerak edi. Aktyor intervyularining birida bu vaqt uning karyerasidagi eng qiyin paytlar bo‘lgani haqida gapirib berdi.
“Tomoshabinlarni aktyorlik qobiliyatim bilan emas, ekshn bilan o‘zimga tortgan bo‘lsam kerak. Mening qahramonim Drogo bir nechta so‘zlarni aytadi va uzun jumlalarni ishlatmaydi. U romantik komediya uchun yaratilmagan”, — deydi Jeyson Momoa.
Momoa kino olamiga tasodifan kirib kelgan. Bir kuni u do‘stlari bilan plyajga borgan va o‘sha kuni “Malibu qutqaruvchilari” serialiga kasting bo‘lib o‘tayotgandi. Aktyor qiziqish istagida rollardan biri uchun kastingda qatnashishga qaror qildi va u bu rolga tasdiqlandi. Shundan keyin “suv mavzusi” Jeysonga hamroh bo‘ldi. Aktyorning karyerasi 2016-yilda cho‘qqisiga chiqdi, rejissor Zak Snayder unga “Betmen Supermenga qarshi” filmidagi Akvamen rolini ishonib topshirdi. Oradan ikki yil o‘tgach, superqahramon boshqa loyihalarda bosh rollarga tasdiqlangan, shundan so‘ng aktyor eng ko‘p haq to‘lanadigan va talab yuqori bo‘lgan Gollivud yulduzlari reytingida o‘z o‘rnini topgan.
Izoh (0)