Айшвария Рай 2011 йил 37 ёшида, қизи Аарадя Баччанни дунёга келтирган. Қизалоқ дунёга келган кунлариданоқ унга катта эътибор қаратилди. Чақалоқни оммадан яширишнинг иложи йўқ эди, актриса Айшвария Рай Ҳиндистонда жуда машҳур ва дунёнинг бошқа жойларидаги папарацилар ҳам уни кузатиб боришар эди.
Гўзаллик танловининг собиқ маликаси фарзандини осонлик билан дунёга келтирмади — у узоқ вақт давомида қоматини аввалги ҳолига қайтара олмади, бу эса матбуот ва ижтимоий тармоқлардаги асосий мавзулардан бирига айланди. Улар нафақат Айшвариянинг қоматини, балки орадан кўп ўтмай чақалоқни ҳам муҳокама қилишди. Ижтимоий тармоқ фойдаланувчилари Аарадянинг оёқларида муаммо бўлиши мумкинлиги ҳақида гапирди, чунки актриса қизалоғини деярли беш ёшигача қўлида кўтариб юрган.
Кейинроқ қизалоқда аутизм касаллиги борлиги ҳақида миш-мишлар тарқалди, бироқ бу маълумотлар тасдиқланмади. Аарадяни ёлғон ғийбатлардан ҳимоя қилишга уринган Рай дастлаб қизи ҳақида гапиришни истамади ва фақат ижтимоий тармоқларда унинг расмларини кўрсатди. Бироқ қизалоқ улғайгач, Аишваря ўз позициясини қайта кўриб чиқди. Ҳозирда актриса мунтазам равишда оилавий фотосуратларини ижтимоий тармоқлардаги саҳифасига жойлаб боради.
Аарадя улғайган сари ташқи кўриниши отасига ўхшаши аниқ бўлди. Қизалоқнинг баъзи хусусиятлари: лаби ва бурнининг шакли гўзал онасига ўхшаб кетади. Аарадя Айшвария каби гўзал бўлмаса-да, қизалоқ ўзига хос мафтункор ва келажакда ёрқин кўриниши уни машҳур актриса ёки моделга айлантириши мумкин.
Изоҳ (0)