Аксарият ота-оналар фарзандлари энг яхши нарсага лойиқ деб ҳисоблашади. Шунинг учун улар нафақат кичкинтойларни хурсанд қилиш учун, балки оналарининг ҳаётини осонлаштириш учун мўлжалланган товарларни сотиб олиш учун пулни аямайдилар. Афсуски, бу харидларнинг баъзилари нафақат пулни беҳуда сарфлаш, балки бола учун ҳам хавфли бўлиши мумкин.
Ёнлари созланиши мумкин бўлган каравотлар
Бундай моделларда шунчаки ён томонни керакли баландликка туширишингиз мумкин ва чақалоқни олиш учун эгилиш шарт эмас. Аммо бундай каравотларнинг баъзилари чақалоқлар учун хавфсиз эмас, чунки баъзида каравот планкалари чиқиб кетади ва чақалоқ беихтиёр сиқилиб қолиши мумкин.
Ҳимоя тўрлари
Чаққон болаларнинг ота-оналари учун махсус тўрлар ишлаб чиқилган. Ушбу маҳсулотлар каравотнинг ён томонларига бириктирилади. Натижада гўдак маълум бир бўшлиқдан ташқарига чиқа олмайди, чивин ва пашша ичкарига кирмайди. Аммо бу қурилмалар шикастланишга олиб келиши ва боланинг соғлиғига зарар етказиши мумкин.
“Ақлли” пайпоқлар
“Ақлли” пайпоқ — боланинг оёғига бириктирилган махсус монитор ҳисобланади. У юрак уриши ва қондаги кислород миқдорини кузатиб боради, сўнгра маълумотларни ота-оналарнинг телефонига узатади. Агар кўрсаткичлардан бири меъёрдан ошиб кетса, телефондаги дастур дарҳол сигнал беради. Аммо баъзида бундай қурилмалар ота-оналарга фақат қийинчилик туғдиради.
Ходунок
Чақалоқ ҳали мушакларини бошқариш имкониятига эга бўлмагани сабабли у оёқларига тўғри суянмайди. Бу ўз навбатида бўғимнинг гипермобилияси – бўғимларнинг ҳаддан ташқари ҳаракатчанлигини ва оёқларнинг қийшайиб қолишига сабаб бўлади. Бундан ташқари бола оёқлари ўртасида қўшимча чеклов билан ҳаракатланади. Шу сабабдан тиззалар ташқарига бурилади ва валгус деформацияси юз беради. Оёқлар зарар кўрганидан сўнг умуртқа поғонаси ҳам рисоладагидек бўлмайди.
Болалар кир ювиш воситалари
Maxсус кир ювиш кукунларида махсус нарсанинг ўзи йўқ, одатдагидан қимматроқ бўлади холос. Агар маҳсулот таркибида хушбўй моддалар мавжуд бўлса, у ҳолда чақалоқнинг соғлиғи учун хавфли бўлиши мумкин. Болалар буюмларини ҳар қандай кукун билан ювиш мумкин, асосийси унинг таркибида бўёқлар, хушбўй моддалар бўлмаслиги, у гипоаллергик ва нозик терили чақалоқларга мос келиши керак.
Ўзгарадиган болалар аравачаси
Бундай модел арзон бўлиши мумкин, чунки 2 та аравача ўрнига - ётадиган ва ўтирадиган - биттасини сотиб олса бўлади. Аммо трансформерлар одатда оддий аравачаларга қараганда катта ва жуда кўп жой эгаллайди.
Бутилкалар тўплами
Кўп сонли идишларни олдиндан харид қилиш — пулни бекорга совуриш дегани. Бу нарсалар ҳар бир чақалоқ учун алоҳида танланиши керак. Баъзи болалар бир йилгача ёки ундан кўпроқ вақт давомида аралашма ичмайди ва бундай идишнинг кераги бўлмайди.
Сакраткичлар
Баъзи болалар арқондан сакрашни яхши кўради. Аммо бу ўйиннинг афзалликларидан кўра кўпроқ камчиликлари бор. Кичкинтойлар унда кунига 15 дақиқадан кўп қолмаслиги керак, чунки ўриндиқнинг ўзига хос конфигурацияси соннинг ривожланишига таъсир қилади.
Фарзандингизнинг бармоқлари камар орасига тушиб қолиши ва шикастланишига олиб келиши мумкин.
Чақалоқ ёғи
Янги туғилган чақалоқнинг нозик терисини намлаш учун одатда махсус лосьонлар ишлатилади ва ёғлар фақат массаж пайтида қўлланилади. Ёғ таркибида минерал мой мавжуд ва шунинг учун болалар терисига ёмон сўрилади. Бундан ташқари, баъзи экспертларнинг фикрига кўра, кимёвий таркиби туфайли бундай ёғ тери юзасида тўсиқ ҳосил қилиши мумкин, бу эса намликни йўқотишига олиб келади.
Изоҳ (0)