Фaрзандингизни компьютер ўйинларидан ажратишнинг 5 та самарали усули
Видео ўйинлар болалар ва катталарни ўзининг кескинлиги, ёрқин тасвири ва ҳатто виртуал ҳақиқатда ҳам ўзини англаш имконияти билан ўзига жалб қилади. Бироқ уни ҳаддан ташқари кўп ўйнашнинг оқибати ёмон бўлиши мумкин.
Болангиз билан бирга ўйнанг
Фарзандингиз сизга ўзининг севимли ўйинини ўргацин, гарчи бу сиз учун аҳмоқона ёки жуда оддий бўлиб туюлса ҳам. Сиз унга янгиликка очиқлигингизни ва энг муҳими - унинг манфаатларини баҳам кўриш истагингизни намойиш қиласиз. Бундан ташқари, фарзандингиз компьютер ўйинлари ҳақидаги фикрингизни тинглаш эҳтимоли кўпроқ, чунки сиз ушбу мавзуга чин дилдан қизиқасиз ва унинг севимли машғулотини асоссиз равишда қораламагансиз.
Видеоўйин ўйнашга сарфланган вақтни кузатиб боринг
Эҳтимол, фарзандингизнинг ўзи компьютер ўйинларига қанча вақт сарфлаётганини тушунмас. Уни компьютерда ўтказган соатларни ёзиб олишни таклиф қилинг ва рақамни фоизларга ўгиринг. Шунда куннинг 5 фоизини ўйнашга сарфлаганини тушунтириш мумкин ёки 30 фоиздан кейин боланинг ўзи сарфланган вақти ҳақида ўйлаш имконияти бўлади.
Унга янги машғулотлар таклиф қилинг
Боланинг компьютер ўйинларини ўйнашга қанча вақт сарфлашини таҳлил қилиш учун унга муқобил севимли машғулотларини таклиф қилиш керак. Дўстлар билан банд бўлган ҳаёт ва кўплаб машғулотлар билан бола бўш вақтини компьютерда ўтказиши даргумон. Янги спорт тури, ёзги лагерга саёҳат, расм чизиш ёки лойдан моделлаштириш каби ижодий фаолият ҳақида ўйлаб кўринг. Мулоқот кўникмаларини ривожлантириш учун болангиз дўстларини уйга чақиринг ёки улар учун шаҳар ташқарисига саёҳат уюштиринг.
Фарзандингиз билан унинг ютуқларини муҳокама қилаётганда, унга кичик қадамлар катта орзуга олиб келишини кўрсатишга ҳаракат қилинг. Мисол учун, қизингиз профессионал рассом бўлишни орзу қилади, лекин у ижодий мактабда узоқ вақт ўқишдан ёки ўзига ишончсизликдан қўрқади. Биринчи қадамни қўйинг: унга рассомчилик қуролларини олиб беринг, бир мунча вақт ўтгач, унинг илк чизмаларини кўрасиз.
Унинг ҳаракатларини мақтанг
Компьютер ўйинларида ғалаба қозониш учун зарур бўлган ҳаракатлар учун кўрсатмалар ва аниқ белгиланган тартиб мавжуд. Бироқ ҳақиқий ҳаётда янги бизнесни бошлаш, ўзингизнинг ҳаракатларингизда ишончсизлик ҳисси ва мақсадга эришиш учун аниқ нима қилиш кераклигини тушунмаслик ҳисси билан дуч келиш мумкин. Ушбу босқичда кўплаб катталар бошлаган нарсаларидан воз кечишади. Фарзандингиз таслим бўлмаслиги учун, ҳатто кичик ғалабаларига ҳам уни чин дилдан мақташга ҳаракат қилинг. Мақтов самарали бўлиши учун деталларга эътибор беринг ва оддий иборалардан қочинг. Масалан, “Жуда яхши чизибсан!” ўрнига “Қизилнинг бу рангини қандай қилиб танладинг? Мен бундай қилолмасдим!”.
Бир стол атрофида овқатланинг
Замонавий ҳаётнинг тез суръати ҳар бир оила аъзосининг, ҳатто энг кичигининг ҳам ўз кундалик тартибига эга бўлишига олиб келди. Бироқ бу яқинларимиз билан алоқани йўқотмасликка имкон берадиган кичик оилавий анъаналар бор. Боланинг кейинроқ овқатланиш ёки хонасига овқат олиб бориш истагига қарамай, кечки овқатни бирга ейишга ҳаракат қилинг. Вақт ўтиши билан фарзандингиз ўз ҳаёти ҳақида гапиришга очиқ бўлганини ва ҳаётингизда содир бўлаётган воқеаларга қизиқиб қолганини билиб оласиз. Бир нуқтада у оиласи билан кўпроқ вақт ўтказиш кераклигини тушунади, чунки шахсий мулоқот ҳар доим виртуал дунёдан яхшироқдир.
