“Дарё” интернет нашрида “Алоқабанк” масъуллари мижози ва ОАВ вакилига берган ваъдасининг устидан чиқмагани, айтилган муддатда банк ходими айби билан кечиккан Gentra айтомобили ўрнига ваъда қилинган машина олиб берилмагани хабар қилинганди. Банк ахборот хизмати раҳбари Зуҳра Юнусованинг таҳририятга билдиришича, бугун соат 19:00 га қадар банк масъуллари мижози танлаган автомобилни унинг 153 миллион сўм пулига пул қўшган ҳолда сотиб олган ва фуқарога етказиб берган.
“Дарё” банкдан норози бўлиб, таҳририятга мурожаат қилган Бекзод Фармонов билан ҳам боғланиб, банк томонидан унга янги автомобиль сотиб олиб берилгани тўғрисидаги хабарга аниқлик киритишга уринди.
“Ҳақиқатан ҳам бугун айтилган ваъда бажарилди. Банк ўзимнинг 153 миллион сўм маблағимга пул қўшиб, ўзим хоҳлаган, янги Gentra автомобилини сотиб олиб берди. Бунинг учун ‘Дарё’ таҳририяти жамоасига, банк раҳбариятига ўзимнинг миннатдорчилигимни изҳор қилиб, банкка нисбатан ҳеч қандай эътирозим йўқлигини билдираман”, — дейди Бекзод Фармонов.
Таҳририят банк масъуллари илтимоси ва улардаги тартиб-тамойилни инобатга олган ҳолда, Gentra автомобили қанчага сотиб олингани-ю, банк томонидан мижознинг машина олиши учун қанча маблағ тўлаб берилганини ошкор этмайди.
Изоҳ (0)