Беларусь президенти Александр Лукашенко 9 май куни Қизил майдонда бўлиб ўтган ҳарбий парадда қўлига бинт боғланган ҳолатда иштирок этди. Бу ҳақда Meduza хабар берди.
Бундан ташқари, расмий трансляциядан олинган кадрларга қараганда, Александр Лукашенконинг кайфияти яхши бўлмаган, у ўзини яхши ҳис қилмаган.
Бир оз вақт ўтгач, МДҲнинг бир қатор давлатлари раҳбарларининг номаълум аскар қабрига кетаётгани акс этган видеолар пайдо бўлган. Унда Лукашенко бошқа давлат раҳбарларидан фарқли ўлароқ, пиёда эмас, балки машинада кетганини кўриш мумкин. Қизил майдондан Александр боғигача 300 метрни ташкил қилади.
Лукашенко Москвадаги нонуштани ўтказиб юборган ва параддан кўп ўтмай Минскка қайтган. Журналистлар унинг соғлиғида муаммолар борлигини айтмоқда. Беларусь президентининг Москвадаги парадга келиши сўнгги дақиқада маълум бўлган.
"Наша Нива"нинг қайд этишича, парад пайтида Лукашенконинг қўлида бандаж кўриниб қолган. Украина Telegram каналлари бу катетердан олинган бинт бўлиши мумкинлигини тахмин қилган. Беларуслик сиёсатшунос Дмитрий Болкунецга кўра, Лукашенко аэропортга тез ёрдам машинасида олиб келинган.
Изоҳ (0)